نكت صعايدة فى قمة الضحك 2020

نكت صعايدة

احلى نكت صعايدة
احلى نكت صعايدة تحكى المواقف المضحكة للصعايدة ونكت قصيرة
  • واحد صعيدي شغال في السعودية بعت لأمه كيلو شيكولاته فاتصلت عليه وقالتله الصابون اللي بعته بيوسخ الهدوم.
  • واحد صعيدي حب يموِت سمكة غرّقها ف الميه.
  • سألو صعيدي هاتعمل ايه لو رشو كيماوي؟ قال هاعمل نفسي نايم.
  • واحد صعيدي لقى كنز راح دفنه جمب نخلة وكتب عليها “مفيش هنا كنز”.. فعدى حمدان جمب النخلة وضحك ضحكة شريرة وقال أكيد هنا فيه كنز.. وحفر وطلعه… وبعدين شال اليافطة وكتب: “حمدان مخدش الكنز”.
  • صعيدي زكي ومراته طلبوا قهوة في كافيتيريا بيقولها: اشربي بسرعة… قالتله: ليه؟ … قالها: لأنك جاهلة ومابتعرفيش تقري، مكتوب قهوة ساخنة ب 5 جنيه وقهوة باردة ب10 جنيه.

عاوز تموت من الضحك؟ شوف أكتر من 1000 نكت مضحكة

  • صعيدي راح ماكدونالدز وقال لهم عندكم حلقات بصل؟  قالوا ايوه..  قالهم ادوني الحلقة الأخيرة.
  • إيه اللي بيكون مكتوب داخل جزم الصعايدة؟ ورقة مكتوب عليها: أدخل الأصابع أولًا.
  • واحد صعيدي بيقول لواحد تاني: عيني اليمين واجعاني قوي يابوي وكل ما افتحها أشوف نقط سودا.. قال له: طيب شفت دكتور عيون؟ قال له: يا بني آدم باقول لك شوفت نقط سودا.
  • صعيدي من سوهاج سمع في النشرة إن فيه عاصفة جاية على سوهاج، كتب على مدخل المدينة: مرحبًا بك في أسيوط
  • صعيدى حب واحدة أتجوز أختها علشان يضمن يشوفها كل يوم .
  • صعيدى بيقول لصاحبه .. بالي مشغول من امبارح يا هريدى قاله أكيد حد رافع السماعة.
  • مره واحد صعيدى كان عايز يسافر فرنسا ومش بيتكلم فرنساوي راح لصاحبه وقال له أنا عايز أسافر فرنسا اتكلم فرنساوي ازاي؟ صاحبه قاله الفرنسية سهلة جدًا  كل ما تقول كلمه ضِيف عليها (و) الصعيدى راح فرنسا ودخل مطعم وقال للجرسون أريدو واحدو رزو وواحدو لحمو فقال الجارسون (باردو) فقال له الصعيدى لأ (سخنو).
إخترنا لك:  أجمد نكت قصيرة مضحكة جدًا

نكت صعايدة ساخرة ومواقف مضحكة

نكت صعايدة
نكت صعايدة
  •  واحد صعيدى عنده عربية كحيانة  سابها قدام بيت مهجور…. ليه؟؟! عاوزها تبقى عربية شبح.
  •  واحد صعيدى بنى بيت ثلاثة أدوار عمل العِمدان فى الدور الثالث بيسألوه معملتش العمدان من الأرضى ليه؟  قال أرمى فلوسى فى الأرض.
  • مرة جماعة بلدياتنا عملوا اجتماع يناقشوا فيه تأخرهم العلمي. فقام واحد بيقول: أمريكا طلعت القمر قبلنا وأحنا قاعدين قام رد عليه واحد: خلاص أحنا لازم نطلع الشمس. فقالوا: أحنا كدة هنسيح رد عليه: يا غبي أحنا هانطلعها بالليل.

اكتر نكت مصرية مضحكة هتموت من الضحك

  • بلدياتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه.
  • بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا وأجوزه واحدة من هناك عشان يعرف يتكلم انجليزى، راح فى الصباحية بيقولها “مستر هريدى موجود؟” قالتلوا “نجولو مين؟”.
  • صعايدة وفلاحين بيحششوا بوكس الأمن المركزي كبس عليهم الفلاحين استخبوا في الغيط والصعايده استخبوا في البوكس.
  • واحد بلدياتنا عنده أرق ومش عارف ينام.. صاحبه قاله عندي لك طريقة للنوم مؤكدة عد من واحد الى خُمسمائة..  بلدياتنا مكدبش خبر وأول ما الدنيا ليلت راح للسرير وبدا يعد .. واحد .. اثنين … ولما وصـل إلى ميه تسعة وتسعين … جـاه النوم … قـام غـسـل وشه ورجــع للـسـريـر يـكـمـل الـعـد..
  • واحد صعيدي طلع يرمى نفسه من فوق البرج قابله واحد شيخ وقاله ليه هترمي نفسك؟  قال عشان غبى.. قاله طب انا هسالك سؤالين وهشوفك غبى ولا ايه.. حاجة اسمها زى جسمها تبقى ايه قاله معرفش! قاله يعنى بيضه يابنى، طب سؤال تاني حاجة ساعات بنسلقها وساعات بنقليها تبقى ايه؟ قاله دى واعرة عليه.  قاله يعنى بيضة يابنى، طب بص بقى حاجة ليها أربع رجول وديل وبتنونو تبقى ايه؟ قاله يعنى البيضة قام الشيخ رماه من فوق البرج. نكت تفطس من الضحك شوفها دلوقتي
إخترنا لك:  نكت مضحكة جدًا تفرفشك ولم يراها الكثير وصور عليها نكت

نكت صعايدة 2020

نكت صعايدة 2020
نكت صعايدة 2020
  • مُدرس إنجليزي قال لطالب ضع كلمة dog في جملة مفيدة، الطالب قاله وdog يا مزيكا.
  • أمي بتقولي روح شوف المكرونة في الفرن وشها أحمر ولا لا قولتلها ليه هوا الفرن بيكسفها ومن ساعتها وأنا باكل بره..

نكت مضحكة جدا جدا جدا شاهدها الآن على موقع مصري

  • غبي وقع على السلم.. راح للدكتور اداله مرهم وقالوله ادهن مكان الإصابة.. راح دهن السلّم. 
  • واحد قال لأبوه بابا عاوز أكمل دراستي بره.. قال وايه المشكلة! قول لأمك تفرشلك في الحوش بس خد بالك لتبرد..
  • واحد بخيل راح يزور أمه في المستشفى لقى لوحة على الباب مكتوب عليها (إدفع) قال ربنا يشفيها هبقى أشوفها أمّا ترجع البيت بقى..
  •  مرة نمر بيجري ورا عربية ليه؟ عشان يعاكس النمرة.
  • غبي جاتله رسالة حلوة قعد يضحك اتصل باللي بعتهاله وقاله والنبى ابعتها تانى.
  • فتح لزوجته باب السيارة فقالت له: ياه ما أجملك وأنت رومانسي، فقال لها: اتنيلي انزلي الباب مبيفتحش إلا من بره..
  • واحد شايل كيس سمك، لقى واحد مسطول قاله: لو حزرت في الكيس دا إيه هديك سمكة منه…  قاله: بحر.. 
  • ميكانيكي اشترى سرير نام تحته..
  • صعيدي بالغلط دخل متحف للفن الحديث.. وقف عند لوحة وسأل واحد من المنظمين: إيه الشكل المرعب ده، هو ده الفن اللي بتسموه حديث؟ رد المنظم: دى مراية يا أستاذ..
  • صعيدي واقف قدام المراية ومغمض عينيه…. مراته بتسأله: بتعمل ايه؟  قالها: بحاول أشوف شكلي إزاى وأنا نايم.
  • المدرس طلب من التلاميذ كتابة موضوع عن مباراة شافوها في كرة القدم.. كل التلاميذ مشغولين بالكتابة إلا عوضين.. كتب جملة واحدة وقعد: “بسبب الأمطار تأجلت المباراة”.
  •  مره واحد صعيدي سافر أمريكا كان معاه 5000 دولار كل ميجي يحجز في فندق يلاقيه مليان.. نام في جنينة  راح جالو واحد سرقه وحلقله شعره.. صحي لقى الفلوس اتسرقت قعد يقول يلهوي بعدين بيحط إيدو علي راسه ملقاش شعر قال الحمد لله مش أنا.
  •  مرة واحد صعيدى نزل مصر لقى حمولة العربية 7 راكب راح يجيب 6 من البلد يركبوا معاه.

عندك سؤال؟ محتاج تفسير لحلمك أو لرؤيتك؟ اكتب استفسارك بالتعليقات وسوف يتم الرد عليك خلال 24 ساعه من المُتخصصين.

اترك تعليقاً

لن يتم نشر عنوان بريدك الإلكتروني.

4 thoughts on “نكت صعايدة فى قمة الضحك 2020

  1. بنسبه لنكته صعايده بحششو الصعايدة مش شممين والحكومة لوراحت عند الصعايدة بتضرب بنار ولو مش فكرين عزت حنفي يفكروا الصعيدي وأمر حريمكم