نكت مضحكة جدا قصيرة وجديدة ونكت سخيفة

مصطفي شعبان
2023-08-07T21:42:03+03:00
نكت مضحكة
مصطفي شعبانتم التدقيق بواسطة: mostafa8 مارس 2017آخر تحديث : منذ 8 أشهر

نكت مضحكة

نكت مضحكة
نكت مضحكة
  • ديلفرى بيسأل شيخ بيقوله هو أنا شغلي حرام؟  قاله ليه أنت مش مؤمن؟  قاله لا كنتاكى.
  • مرة واحد صعيدى لقى سايبر مكتوب عليه الساعة ب 10 جنيه..  دخل يسأل هيا ضد المية؟
  • غبى خطف غبية ركبها العربية فضلت تصوت..  قالها: هتسكتى ولا انزلك؟   قالت له لا هسكت.
  • عملوا جائزة مليون جنيه للي عنده 10 عيال..   واحد عنده تسعة قال لمراته أنا كنت متجوز عليكى ومعايا ولد أروح أجيبه؟   ونكمل العشرة ونكسب الجائزة؟  راح ولما رجع بيسأل مراته فين العيال؟  قالتله كل عيل أبوه أخده.
  • مره واحد سرق فرخه وراح عند البحر نضفها وأكلها..   جه الضابط وقاله أنت سرقت الفرخة؟   قاله لا يا باشا..  قاله الضابط والريش ده؟!   قاله دى نزلت تستحمى و قالتلى أخلى بالى من الهدوم.
  • مرة اتنين ستات عواجيز نفسهم يتجوزوا..  راحوا النادي وقالوا أول ولد يعدي نقوله..  و لما عدى واحد، واحدة منهم قالتله: تتجوزني يا أمور؟   قالها: ده أنا اتجوز كلبة ومتجوزكيش!   التانية راحت قايلة: هوهوهو.

اضغط هنا وشاهد اروع النكت المضحكة 2019

نكت مضحكة جدًا جدًا

نكت مضحكة جدًا جدًا
نكت مضحكة جدًا جدًا
  • واحد قبل مايموت جمع ولاده التلاتة وحب يوصيهم يفضلوا أيد واحدة..  أعطى لكبيرهم عود خشب كسره بسهولة..  أعطاه اتنين كسرهم بسهولة برضه..   أعطاه خمسين عود كسرهم بسهولة..   قال لهم طالما معاكم البغل ده مافيش خوف عليكم.
  • مرة واحدة قالت لزوجها اليوم بصيت لنفسي فى المراية لقيت نفسى قمر14 تفتكر كده غرور؟!  قالها لا لا غرور ايه ده!  كدة يبقى عمى.

عاوز تموت من الضحك؟ شوف أكتر من 1000 نكت مضحكة

  • مرة واحد زعلان مع مراته كتب لها ورقة مكتوب فيها صحينى الساعة 6 الصبح..  قام الساعة 11 لقا ورقة مكتوب عليها اصحا الساعة 6.
  • مره واحدة روحت على بيتها متأخر قال لها زوجها: أنتى كنتى فين؟   قالت:  لا مهوا … اصلو … كان فى واحد بيعاكسني..   قال لها: هو بيعاكسك أنتى اتاخرتي ليه؟   قالتله: أصله كان ماشى على مهله ….!
  • مرة واحد فشار أوى بيقول لصاحبه أنا كنت ماشى فى الصحرا طلع عليا أسد نطيت في البحر..  صاحبه قاله بحر ايه بس اللي فى الصحرا..   قال لا أنا قلت لقيت أبو الهول اتشعلقت فى رقبته..   صاحبه قاله وايه اللي جاب أبو الهول في الصحرا؟  فقاله وأنا ماشى فى الصحرا طلع عليا أسد أكلنى.. ارتحت؟

اضغط هنا وشاهد احدث النكت المصرية 2019

اقرأ أفضل 10 نكت مضحكة قصيرة

نكت مضحكة قصيرة
نكت مضحكة قصيرة
  • واحد سكران اتصل على مطعم قاله عندكم عشاء؟   رد عامل المطعم ايوه..   رد السكران ليش ما عزمتوني؟!
  • مره واحد بيقول لمراته أقولك نكته؟   قالتله قول!  قالها نكته..  قالتله هيه بايخة..   قالها هيه طالق.
  • مره واحد أحول سألوه: ايه هى أمنيتك في الحياة؟    قال: أشوف واحد ماشى لوحده.
  • محشش بيسأل عن نتيجة مباراة.. قالوا له: صفر صفر..  قال: مين دخل الصفر الأول؟
  • صرصور دخل سوبر ماركت خرج مبسوط ليش؟   شاف نفسه عالبيف باف.
  • واحد يسمونه منشّف ريق البنات.. ليه ؟   من كثر ما يتفلون في وجهه. اكتر نكت مصرية مضحكة هتموت من الضحك
  • واحد مدمن انترنت بيضطروا يدوله لينك فى الوريد ويشربوه شات بلبن.
  • واحد دخل الملعب ومعاه ملعقة لييييش ؟ عشان يحرك اللعب.

نكت سخيفة

  • بيبسي وبطاطا وهمبرجر يتسابقون   لماذا؟   وجبة سريعة.
  • دجاجة انتحرت.. وكتبت في وصيتها.. خلوا ماجي ينفعكم.
  • غبي اتهموه بالذكاء طلع براءة.
  • تابع قراءة نكت مضحكة جدا جدا واضحك في عبك ومتقولش لحد.

اضغط هنا وشاهد نكت مصرية تموت من الضحك

نكت مصرية وعربية مضحكة جدًا

نكت مصرية وعربية مضحكة جدًا
نكت مصرية وعربية مضحكة جدًا
  • واحد كل لما يعدى من شارع يشوف واحد بيشرب سجارتين..   فبيسأله هو أنا ليه كل لما اعدى من هنا اشوفك بتشرب سجارتين؟  قاله اصل انا كان ليه واحد صاحبى متعودين ان احنا نشرب سجاير هنا وصاحبى ده سافر فانا بشربلى وبشربله..   بعدها بفترة صاحبنا ده عدا شافه بيشرب سجارة واحده..   فقاله انت بتشرب سجارة واحده ليه؟!   قاله اصل انا بطلت.
  • واحد قابل واحد بيجرى فى الشارع فسأله بتجرى ليه؟   قاله حماتي اشتريت لها نصف كيلو سمك أكلته نيء أصيبت بشلل نصفى!!   فقاله رايح تجيب لها الدكتور؟   قاله لا  انا رايح اجيب لها النصف كيلو الثانى.

نكت سخيفه مضحكه

  • مره واحد حب يشتري فراخ..  راح عند دكان الفراخ وقاله لو سمحت أنا عاوز فراخ..  الرجل سأله عاوزها مدبوحة ولا سليمة؟   قاله سليمة..  الرجل قاله اطلع الدور التاني..   طلع الدور التاني..   واحد تاني قاله عاوز الفراخ كامله ولا متقطعة؟   قاله متقطعة..   قاله اطلع الدور التالت..   طلع الدور التالت..   راجل تاني ساله عاوز الفراخ متكيسه ولا لا؟   قاله متكيسه..  الراجل قاله بص احنا معندناش فراخ بس ايه رايك في النظام؟
  • اتنين رخمين أوي اتحكم عليهم بالإعدام..   سألو الأول نفسك في ايه؟   قالهم نفسي اشوف أمي..   سألو التاني نفسك في ايه؟   قالهم نفسي متخلوهوش يشوف أمه.

اضغط هنا وشاهد اجمد نكت محششين مضحكة

  • في المدرسة أستاذ الحساب بيسأل التلميذ بتاعه: لو باباك استلف ألف جنيه من البنك وألف جنيه تانيه من جاركم يبقى هيرجع كام الف؟    التلميذ: مش هيرجع حاجه يا استاذ..  الاستاذ: يا ابني استلف الف وبعديها الف تانيه..   التلميذ: مش هيرجع حاجه..   الاستاذ: اقعد يا ابني انت متعرفش حاجه في الحساب..    التلميذ: انت اللي متعرفش ابويا يا استاذ.
  • واحد اخترع حبوب للحامل علشان المولود يطلع مؤدب وكل مولود فعلا نزل مؤدب..   واحدة أخدت الحبوب واتاخرت في الولادة!  راحت للدكتور عملها ولادة قيصرية..  لقى توأم كل واحد بيعزم علي التانى ويقول له “اتفضل”   التاني يقوله “لأ اتفضل إنت الأول”.
  • مرة واحد غبي راح للدكتور علشان يكشف علي ابنه..   الدكتور دخل مع الواد اوضة الكشف..  وبعدها بربع ساعة طلع الدكتور وقال للراجل ابنك مات..   راح طلع الواد الصغير و قال لابوه….  بابا بابا انا لس مامتش يابا..   راح ابوه قاله اسكت يا ولد انت هتعرف اكتر من الدكتور.

نكت تفطس من الضحك شوفها دلوقتي

نكت مصرية
نكت مصرية
  • مجموعة صيادين طلعو يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص..   فقالو لصاحبه خده الأفراح اللي بيحصل فيها ضرب نار كتير عشان يتعود على الرصاص..    وبعد ما أخده لمدة 6 شهور..   رجع يصطاد تاني أول ما ضرب نار الكلب اعد يزغرط.
  • مرة تلميذ بيسأل الأستاذ بيقوله هو ممكن الإنسان يتعاقب على حاجة معملهاش؟   قاله لا طبعا.. ففرح التلميذ اوى و قال له خلاص انا معملتش الواجب. نكت مضحكة جدا جدا جدا شاهدها الآن على موقع مصري
  • النمر كان كل ما يشوف الأرنب يضربه و يقول له انت ودانك طويلة كده ليه؟!   فالأرنب راح اشتكى للأسد..  الأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر..    النمر قال للأرنب عاوز جزر..   الأرنب سأله أحمر ولا أصفر؟   قام النمر ضربه و قال له انت ودانك طويله كده ليه.
  • مدرس سأل الاطفال فى الفصل اللى يحسب نفسه غبى يقف..  بعد شوي وقف تلميذ..  فساله المدرس و ليش تحسب نفسك غبي؟!   فرد عليه التلميذ ما حبيت اشوفك واقف لوحدك يا أستاذ. 
  • سأل المعلم الطلاب مين يعطيني أسماء ثلاث زواحف رد أحد الطلاب أم بريعصي و أبو بريعصي و بريعصي.

اضغط هنا وشاهد نكت مصرية جامدة جدا

نكت قصيرة

نكت قصيرة
نكت قصيرة
  • فيه واحد (نذل) تزوج …. راح شهر العسل لحاله.
  • فلاح أعطوه سمبوسه..   فتحها بيحسبها هدية.
  • مرة أسد أكل عجوزة عجبه طعمها ليه؟    عشان مكرمشة. 
  • ظابط طلع على المعاش فتح محل حلويات سماه التورتة في خدمة الشعب.
  • طالب شاطر جداً .. نجح في المدرسة وطلع من الأوائل …. شفروه.
  • محشش سألوه: ليش رقبة الزرافه طويله؟  قال: يمكن علشان راسها بعيد.
  • مرة واحد من كتر حبه للموبيلات..   جاب بنت سماها شريحة.
  • واحد بخيل يبغون يعذبونه..   شقوا ريال قدامه.

نكت سخيفة بس تضحك

  • بيقولك واحد من كتر طيبته بلع ريقه جاله تسمم.
  • صعيدى نزل مصر شاف بتاع الأنابيب قاله افتحلى واحدة ساقعة.
  • مرة صياد حب يضحي..   ذبح سمكة على العيد. شاهد اجمل نكت محششين
  • المدرس: لماذا سُمي البحر الأسود بهذا الاسم؟   الطالب: لأنه حزين على البحر الميت.
  • مجموعة من النمل بيلعبوا كورة قدم معاهم صرصور ليش؟   لاعب أجنبي.
  • الأول : لماذا تضع دينار علي رأسك؟   الثاني: ليصبح لدي رأسمال.
  • محشش شايل طبق بيض شاف قشرة موز بأخر الشارع قال : ياحبيبي راح البيض.

اضغط هنا وشاهد اجمل صور مكتوب عليها نكت مضحكة

  • محشش بيسأل بنته اسمك ايه؟  قالتله وعد..  قالها أقسم بالله ما هقول لحد. 
  • قال أحدهم: لماذا تلقي المسامير في المياه؟   قال : لتصبح مياه معدنية.
  • دخل خمسة بخلاء مقهى!   طلبوا كوب عصير وخمسة شاليموه.
  • واحد كريم تزوج واحده كريمة.. جابوا ولد..   أعطوه الجيران.
  • المدرس:من الحيوان الذي يوقظك كل يوم في الصباح؟  التلميذ:أخويا الصغير.
  • فيه خروف بايعها..   وقف تاكسي..   قاله اقرب مسلخ لو سمحت.
  • الولد: ولدت في جنوب اميركا . الصديق: اي قسم؟ الولد: كلي بالطبع.
  • محشش دق على الإسعاف قال الرقم للبيع؟!!
  • السيدة: هل نظفت الثلاجة؟  الخادمة: نظافة تامة يا سيدتي كان كل ما بداخلها لذيذاً.
  • بدوي راح عيد ميلاد صديقه..   بعد ما خلص الحفل..  قاله: عيد ميلادك عندي بكره.
  • سيأتيك الحب بعد الأربعين..   طيب الحمد لله هانت..  لا الأربعين التاني ابو قرص 
  • الووو مش هقدر اجي الشغل انهارده..  ليه؟   استك الكمامة اتقطع. 
  • انا عمري نكدت عليكي قبل كده؟   اه كتييير..    طب مالك المرة دي زعلانة ليه؟! 
  • وانت أي موهبتك؟    أنا بقول للناس الصح واعمل أنا الغلط. 

اضغط هنا وشاهد اروع النكت 2019

نكت جديدة 2020

أروع نكت

  • واحد أقرع حس أن في حاجة ماشية على دماغه..   بيحسس كده لقاها نملة..  بيشيلها قالتله استنى والنبي يا عمو آخر زوحليقة. 
  • واحدة بتقول لجوزها دلعني..   قالها انتي قمر..   قالتله وانت شمس..   قالها انتي لؤلؤ..   قالتله وانت ماس..   قالها انتي قطة..   قالتله وانت كلب..   قالها انتي طااااااالق
  • واحدة زعلت من جوزها وقررت تنتقم منه..   راحت تستشير ابليس اقترح عليها خطة معجبتهاش!   قامت فكرت هي في خطة تانية..   ابليس صررررررررررخ وقالها وحدي الله يا بنت الحلال دا جوزك. 
  • ما أجمل أن يتقاسم الزوج وزوجته الأعمال المنزلية..   هي تطبخ وهو ياكل..   هي تغسل وهو يلبس..   هي تحضر السرير وهو ينام..   يا له من دور عظيم يقدمه الرجال ولكن النساء ناكرات للجميل.  
  •  محشش أخوه مات ومش عارف يقول لمراته ازاي؟   قالها جوزك اتجوز عليكي..   قالتله الهي يدخل عليا ميت..   قالهم دخلوه يا رجالة.

نكت سخيفة جدا

  • محشش خلع باب بيتهم وماشي بيه في الشارع..   واحد بيساله رايح فين؟   قاله هودي الباب للنجار..   قاله ومش خايف حد يدخل يسرق البيت؟!   قاله يا حمار هيدخل ازاي والباب معايا. 
  • بابا هي الكورونا دي ست ولا راجل ؟   والله يا بنتي طالما منكدة على العالم كله كده تبقى ست. 
  • أنت بتشرب قهوة كتير ليه ؟   تعرف جدي عاش 80 سنة ليه ؟     عشان كان بيشرب قهوة ؟   لا عشان كان بيخليه في حاله. 
  • كان نفسي أخس في رمضان زي صاحبي الأنتيم..    هو خس كام كيلو؟    لا هو كان نفسه يخس برده. 
  • يقول أحدهم كنا أربع أصدقاء درسنا جميعًا وأكملنا دراستنا وتخرجنا..   إلا واحدًا منا رسب..  والحمد لله اليوم نحن الثلاثة نشتغل عند الراسب.
نكت جديدة
نكت جديدة
  • محشش سرقو تليفونه بلغ الشرطة..   قالوله ولا يهمك هنجيبه حتى لو تحت الأرض..   راجع من الشغل تاني يوم لقى عمال بيحفروا في الشارع..   قالهم شدوا حيلكو يا رجالة هو جالاكسي لونه أسود. 
  • واحدة موسوسة شوية راحت للبياع بتقوله عندك صابون؟   قالها اه..   قالتله طيب اغسل ايدك كويس وهاتلي علبه لبن. 
  • واحد اشترى كلب لمراته.. وبعد يومين الكلب عضها وماتت..  صاحبه رايح العزا لقى رجال كتير اوي!   بيقوله كل دول جايين يعزو في مراتك؟!    قاله لا جايين يشتروا الكلب. 
  • واحد بيغير على مراته جدًا وكل شوية يتصل بيها يقولها أنتي فين تقوله في المطبخ..   فيقولها طب سمعيني صوت الخلاط ويسمعه عشان يتأكد..   في يوم رجع بدري لقى ابنه الصغير بيفتح الباب قاله ماما فين؟   قاله كالعادة خدت الخلاط وخرجت. 
  • واحد رخم رايح يزور صاحبه رن الجرس..   أخته طلعت تشوف مين..  قالها محمد موجود؟   قالتله لا بس لما ييجي هقوله..   قالها قوليله أنتي فكراني هخاف.

نكت سخيفة قصيرة

  • واحد رجع البيت لقى مراته نايمة..   قال الحمد لله الفتنة نائمة..   سمعته فردت قالتله لعن الله من أيقظها. 
  • محشش راح محكمة الأسرة..   القاضي بيسأله أنت متجوز مين قاله واحدة ست..  القاضي أنت بتستهبل هو في حد بيتجوز راجل؟!  قاله اه أختي متجوزة راجل. 
  • اتنين محششين واحد بيقول التاني هو هيحصل ايه لو الواحد صحي لقى نفسه ميت؟    التاني قاله اسكت يا جدع متقولش كده داا الواحد كان اتشل فيها. 
  • موبايل بيقول لشريحة روحي وأنتي طالق..   قالتله يخربيتك والرصيد اللي في بطني. 
  • مسطول اتصل بالشرطة قالهم الحقو في دم وسكاكين وقنابل و20 واحد ميت!!   قالوله فين؟؟   قاله هات ام بي سي أكشن بسرعة. 
  • محشش دخل محل أجهزة كهربائية قاله عندك تليفزيون ملون؟   قاله موجود..   قاله عايز واحد أحمر.
مصطفي شعبان

اعمل في مجال كتابة المحتوى منذ اكثر من عشر سنوات لدي خبرة في مجال تهيئة محركات البحث منذ 8 سنوات احظى بالشغف في مجالات متعددة منها القراءة والكتابة منذ الصغر، فريقي المُفضل الزمالك طموح ولدي العديد من المواهب الإدارية، حاصل على دبلومة من AUC في إدارة الموظفين وكيفية التعامل مع فريق العمل.

اترك رداً على غير معروفإلغاء الرد

لن يتم نشر عنوان بريدك الإلكتروني.الحقول الإلزامية مشار إليها بـ *


التعليقات 12 تعليق

  • سهاسها

    واو

    • غير معروفغير معروف

      XxxL

    • محمدمحمد

      شكرًا لردك منورنا

  • سماسما

    لازم يكون في ضحك

  • عمرعمر

    نكت 50/50 الصراحة

  • غير معروفغير معروف

    هههههه متات من ضحك

  • غير معروفغير معروف

    نكت جميلة جدا اشجع كل شخص يدخل على الموقع

  • ازدهار الحياةازدهار الحياة

    الصراحة نكت تجنن و تهبل روووعة